წესები და პირობები
გთხოვთ, გაეცნოთ კინოთეატრის მოხმარების წესებს
მომხმარებელთა საყურადღებოდ!
სამი წლამდე ასაკის ბავშვი კინოთეატრში უფასოდ შედის. კომფორტული ყურებისთვის საკუთარი სავარძლის ბილეთის შეძენა სავალდებულოა. განსაკუთრებულ შემთხვევებში (ფესტივალი, პრემიერა, სპეციალური სეანსი) ადმინისტრაცია იტოვებს წესების შეცვლის უფლებას. 12 წლამდე ბავშვს თან უნდა ახლდეს ზრდასრული პირი.
ადმინისტრაციას უფლება აქვს შეამოწმოს ბილეთის ნამდვილობა და მოითხოვოს პირადობის დამადასტურებელი დოკუმენტის წარდგენა. ასაკობრივი შეზღუდვის ან წესების დარღვევის შემთხვევაში ადმინისტრაცია უფლებამოსილია უარი განაცხადოს მომსახურებაზე. ბილეთის ფასის ანაზღაურება ხორციელდება ადმინისტრაციის მოქმედი წესების შესაბამისად.
მომხმარებელი ვალდებულია:
- სეანსზე დასწრებამდე ფლობდეს მოქმედ ბილეთს და მოთხოვნისთანავე წარადგინოს იგი ადმინისტრაციის წარმომადგენლის წინაშე.
- დაიცვას ფილმის ასაკობრივი შეზღუდვა. საჭიროების შემთხვევაში წარადგინოს ასაკის დამადასტურებელი დოკუმენტი.
- დაიკავოს მხოლოდ ბილეთზე მითითებული ადგილი და არ გადაინაცვლოს სხვა სავარძელზე.
- სეანსის დროს მობილური ტელეფონი გადაიყვანოს ხმის გარეშე რეჟიმში და არ გამოიყენოს ეკრანის განათება.
- დაიცვას ადმინისტრაციის მოთხოვნები, კინოთეატრის შიდა რეგულაციები და საზოგადოებრივი წესრიგი.
აკრძალულია:
გარე საკვები და სასმელი
კინოთეატრში გარედან საკვების და სასმელის შეტანა აკრძალულია. პროდუქციის შეძენა შეგიძლიათ კინოთეატრის ბარში.
ალკოჰოლური სასმელები
ალკოჰოლური სასმელის შეტანა და მოხმარება კინოთეატრის ტერიტორიაზე სრულად აკრძალულია.
მოწევა
სიგარეტის (მათ შორის ელექტრონული) მოწევა კინოთეატრის შენობაში აკრძალულია.
ფოტო/ვიდეო გადაღება
სეანსის დროს ფოტო, ვიდეო გადაღება ან აუდიო ჩაწერა აკრძალულია.
ასაკობრივი შეზღუდვა (16/18+)
16+ და 18+ შეფასების ფილმებზე შესაბამისი ასაკის არმქონე პირების დაშვება აკრძალულია.
მშობლის პასუხისმგებლობა
16/18+ ფილმებზე არასრულწლოვანის დაშვებაზე მშობელი ან მეურვე სრულად აგებს პასუხს. ადმინისტრაცია პასუხისმგებლობას იხსნის.
ბილეთების შეძენა და დაბრუნება
ბილეთების ონლაინ შეძენა შეგიძლიათ: cavea.ge, kinoafisha.ge. ასევე შესაძლებელია შეძენა კინოთეატრის სალაროში.
ბილეთის დაბრუნება ან გადაცვლა შესაძლებელია სეანსამდე მინიმუმ 1 საათით ადრე, კინოთეატრის სალაროში.